Comunicado da AGARB perante o golpe de estado promovido pola burguesia e o imperialismo ianque

Nestas horas difíceis, o povo galego exprime o seu apoio à Revoluçom Bolivariana. AGARB, como entidade internacionalista com a Revoluçom Bolivariana e Chavista, manifesta o seu mais rotundo, enérgico e caluroso abraço a todo o povo socialista da Pátria de Bolívar e Chávez.

A terrível guerra económica implementada polas potências imperialistas e os seus ridículos satélites, como Espanha, contra a República Bolivariana, a canalhesca campanha mediática de propaganda desenvolvida polos meios de comunicaçom burgueses para desacreditar o processo revolucionário da Venezuela socialista e comuneira, assim como as arteiras manobras de distintos atores políticos do Estado espanhol −alguns que tinham procurado manter umha fachada de proximidade com a formulaçom ideológica da Revoluçom venezuelana−, vem a desmascarar de forma contundente a grande magnitude e alcance da conjura orquestrada para derrocar o legítimo governo do Presidente Nicolás Maduro.

Por todos estes motivos, hoje mais que nunca, fazemos um apelo fraterno e solidário à unidade de todas aquelas forças e pessoas que mais alá das diferenças, temos sido honestos na defesa dos valores e postulados da Venezuela bolivariana.

Realizamos um apelo ao povo galego a expressar sem rubor o seu inegociável apoio a umha Revoluçom que logrou situar na primeira ordem do mundo o debate pola construçom de modelos de produçom alternativos ao holocausto gerado contra os despossuídos pola voracidade do capitalismo nesta recente e reveladora crise histórica.

É a hora de que aqueles que incomovivelmente temos defendido esta Revoluçom irmá, demos um passo ao frente, contra aqueles que criminosamente emprestam as sus siglas para deslegitimar em diferentes instituiçons os valores humanistas da Venezuela Chavista, e assumamos com a ética demonstrada de forma reiterada o nosso público compromisso na defesa do processo iniciado polo gigante dos povos alá em 1998.

Um dia o Comandante Chávez afirmou que todo quanto ia acontecer baixo o sol tem a sua hora, porque na Venezuela chegou a hora do povo… desde a cabeça, o coraçom e as entranhas, os filhos e filhas deste povo em luita pola sua soberania e independência, galegos e galegas afirmamos: Joelho em terra, NOM PASSARÁM!

Alertamos o povo galego a estar atento aos acontecimentos em curso para manifestar a solidariedade ativa com a Revoluçom Bolivariana da Venezuela.

Abaixo a conjura imperialista!
Viva a Revoluçom Bolivariana!
Chávez vive, a luita segue!
Pátria socialista ou morte!, Venceremos!

Galiza, 20 de fevereiro de 2015