Carlos X. Blanco presenta su nuevo libro: "La Nación Asturiana"

19-12-2007 El profesor Carlos X. Blanco, Doctor en Filosofía y Llicenciáu en Psicoloxía pola Universidá d'Uviéu va presentar el miércoles 2 de xineru l'ensayu "La Nación Asturiana" [publicado en La Haine: http://www.lahaine.org/index.php?p=25411], qu'asoleya cola editorial Espublizastur, nel marcu de la Xunta d'Escritores 2008. Blanco, con dellos artículos asoleyaos en delles revistes, collaborador en dellos medios, ente ellos Infoasturies.net y con un recién asoleyáu llibru lleutrónicu (en castellán) "Marxismo y Nación Asturiana", espubliza'l so primer llibru con una editorial y de xuru nun será l'últimu.

La editorial asturiana Espublizastur entama cola publicación de La Nación Asturiana de Carlos X. Blanco la produición editorial propia, empincipiando cola colección "Ensayu" dirixía a espublizar, como el propiu nome indica, ensayos en Llingua Asturiana. Esta coleición d'ensayu, de temática asturiana y na llingua del país, va enanchase con dellos títulos demientres 2008. D'otra miente Espublizastur tien pensáu abrir otra llinia editorial de produición científica, quitando la produción filolóxica, tamién en Llingua Asturiana. Les causes d'escoyer estes dos llinies pa la produición propia son, según la editorial, abrir la producción n'asturianu a dos temátiques xeneralmente escaecíes, ya que la producción anguañu cientrase na lliteratura mayormente: l'ensayu y la ciencia.

Espublizastur ve necesario abrir posibilidaes pa publicar a xente qu'investiga n'Asturianu y a la xente que reflexona sobre los problemes socio-económicos, culturales, identitarios... en resume que nun faiga falta ser poeta o novelista p'asoleyar un llibru n'asturianu. Tocántenes al enfotu na producción científica Espublizastur remarca la so importancia clave pa la dignificación de la Llingua Asturiana y confía en poder asoleyar investigaciones importantes.

Espublizastur alcuentrase zarrando la planificación de la so "collecha" del añu 2008 polo que los posibles interesaos n'asoleyar los sos ensayos o trabayos cientificos n'asturianu puen ponese en contactu cola editorail nesti corréu.

Información d'Espublizastur sobre'l llibru:

Carlos X Blanco, qu'anguaño vive y trabaya acullá del cordal, ye un asturianu al que-y esmolez Asturies ye l conxuntu de cuestiones que toquen la nuestra tierra. Tala molición llevólu demientres bien d'años a facer por esplicar (y esplicase) que les problemátiques asturianes nun vienen a les resultes d'un castigu divín, sinón pola mor d'una retafila de procesos non naturales o­nde s'enxerten persones con nome y apellíos.

A éstes, La Nación Asturiana, llibru que tien la nuestra tierra como filu encarnáu, ye l'intentu más ambiciosu, completu y complexu a la d'analizar y interpretar lo qu'asocede n'Asturies al cargu d'un autor polémicu y comprometíu col país que lu vio ñacer.

Carlos X. Blanco asegura que los asturianos déxense arrincar l'arguyu non pola mor de cuestiones económiques sinón pola pura falta de conocimientu y énte tala situación, él, que nun ye nin historiador, nin sociólogu, nin tampoco etnólocu, etc. percuerre la historia d'Asturies al traviés d'una llectura particular y peculiar de distintes categoríes materialistes que, d'otra banda, nun presenta nin nin infalibles.

Nuna Asturies o­nde panada ye fácil contestar (y menos zarrar la boca) a tantu mecenariu del periodismu y de l'academia, l'autor ye a atrevese dende les páxines de La Nación Asturiana a pegar veces (cuando de protesta, cuando de duelgu) pero tamién, y más importante na nuestra opinión, a combatir la falta deconocimientu de los sos compatriotes a los que tampoco nun dulda n'ufrir alternatives y ferramientes d'intervención política, faciendo d'esta obra un testu interesante mas rara avis, yá que'l compromisu y la sinceridá a la d'esponer opiniones son dalgo bien rar na Asturies d'anguaño.