Euskal Herria :: 24/12/2011
[Bideoa] Laudio eta Amurrioko 19 herritarren aurkako epaiketa
Datorren urtarrilaren 23an Laudioko 17 eta Amurrioko 2 pertsonen
kontrako epaiketak ekingo dio Madrilgo Audientzia Nazionalean.
Datorren urtarrilaren 23an Laudioko 17 eta Amurrioko 2 pertsonen
kontrako epaiketak ekingo dio Madrilgo Audientzia Nazionalean.
Egoera honen azalpena izateko 2003ra joan behar gara. Alderdien Legea
martxan jarri eta Ezker Abertzaleak urte hartako udal eta foru
hauteskundeetarako Euskal Herriko hainbat herritan martxan jarri
zituen zerrendak legez kanporatu zituzten Madrilgo epaileek; zerrenda
horien artean aurkitzen zen Laudio Aurrera plataforma. Zerrenda hau
legez kanporatzean ehundaka laudiarrek euren bozka emateko eskubida
galdu zuten eta 12 urtetan zehar (1979-1983, 1987-1991 eta 1999-2003)
Laudioko alkate izandako Pablo Gorostiagak ezin izan zuen bere burua
aurkeztu.
Urte hartako ekainean Gorostiagak bere alkate kargua utzi zuenean eta
boterea PNVko Jon Karla Menoiori alkatetza pasa zionean dozenaka lagun
bildu ziren udalbatzan egoeraren bidegabekeria salatzeko. Orduan, PPko
zinegotzi den Carlos Urquijo protestatzen ari zirenengana oldartu zen
liskar bat sortuz.
PPk salaketa jarri zuen 19 pertsona hauen aurka. 2003tik kasua bi
aldiz izan da dagoeneko artxibatua eta PPren insistentziaren ondorioz
Entzutegi Nazionalera iritsiko da.
Fiskaltzak 57 urteko ezpetxe zigorra eskatzen du 19entzat, 10 urteko
inabilitazioa eta 5360 euroko isuna. Halere, eskaera hau PPrena baino
lehunagoa litzateke, izan ere, hauek 16 pertsonentzako 5-6 urteko
kartzela zigorrak eta beste 3rentzako urte banakoa eskatzen baitute;
hau da, 76 urteko kartzela zigorrak.