lahaine.org
Galiza :: 17/06/2014

Centos enchem as ruas galegas em solidariedade com Maria Osório

Ceivar


Nesta jornada de mobilizaçom ante a detençom da militante independentista Maria Osório, centos fôrom as pessoas que se achegárom até as concentraçons convocadas polo Organismo Popular Anti-repressivo CEIVAR. Desde as oito e média da tarde em dez localidades do País despregárom-se faixas e berrou-se em apoio à galega retaliada.

Nas vilas de Noia e Burela a presença policial foi constante. Em Noia um Patrol da Guardia Civil estivo dando voltas continuamente e dous agentes uniformados tentárom intimidar às assistentes. Em Burela os polícias registrárom o carro a um solidário e agentes à paisana gravárom a mobilizaçom.

No resto de pontos transcorreu todo com normalidade e incluso em Compostela saírom em manifestaçom pola zona velha rematando o ato na Praça do Pam cantando o Hino da Pátria.

Desde CEIVAR novamente queremos agradecer a solidariedade mostrada com Maria Osório assim como com o resto de presos independentistas galegos. Estamos ante umha carreira de fundo onde o importante será consolidar o apoio e encher as ruas de arroupo e solidariedade. Esta será a nossa milhor ferramenta.

Parabéns a todas!
Avante o Povo solidário!
A nossa solidariedade é imparável!

 

Este sitio web utiliza 'cookies'. Si continúas navegando estás dando tu consentimiento para la aceptación de las mencionadas 'cookies' y la aceptación de nuestra política de 'cookies'.
o

La Haine - Proyecto de desobediencia informativa, acción directa y revolución social

::  [ Acerca de La Haine ]    [ Nota legal ]    Creative Commons License ::

Principal