lahaine.org
Nacionales Galiza :: 23/07/2015

O nosso futuro está nas nossas maos

Briga
Briga llama a la XI jornada de rebelión juvenil el día 24 de julio antesala del Dia da Patria

As e os jovens organizados em BRIGA acolhemos esta XI Jornada de Rebeliom Juvenil num panorama especialmente novidoso e desafiando os profundos cámbios que operárom no último ano nom só na cena política estatal e nacional, mas também no ámbito específico do Movimento de Libertaçom Nacional Galego.

Com a recente dissoluçom da nossa organizaçom política referencial, Nós-UP, BRIGA adoptou com ressoluçom e responsabilidade a decisom de continuar a tecer contra-poder desde a frente juvenil e manter intatos os objetivos estratégicos que levárom à nossa criaçom em outubro de 2004.

Com mais de 10 anos às costas de luita incansável, de entrega militante, de aprendizagem e formaçom a pé de rua, de solidariedade e camaradagem, nem caímos na trampa do derrotismo nem na auto-satisfaçom carente de autocrítica. Nom temos vocaçom de mártires nem de estoicas militantes infatigáveis, nom somos ingénu@s jovens unid@s à luita pola fé cega na vitória nem tampouco acreditamos no fetichismo das siglas.

Nesta XI Jornada de Rebeliom Juvenil queremos declarar que nom nos sentimos desorientadas nem desamparadas. Contamos com anos de experiência militante, com centenas de liçons aprendidas, com o enérgico entusiasmo, habilidade e rebeldia das e dos mais jovens e com a coesom e confiança nas próprias forças.

Afrontamos pois decididamente a nova etapa que se abre ante nós, sem medo, sem pausa mas tampouco pressa, dispostas a contribuir à necessária recomposiçom da esquerda nacional para construir ferramentas válidas que estejam ao serviço da Galiza, das mulheres e das classes populares, mantendo o irrenunciável princípio de auto-organizaçom nacional e oferecendo alternativas reais aos segmentos da juventude e do conjunto do nosso povo que, desiludidos, se acolhem a novas fórmulas eleitorais promovidas desde Espanha e tam sedutoras como de duvidosa vontade transformadora.

Mantemos firme a nossa análise de que o cámbio real está nas ruas, nos centros de trabalho e de ensino, epicentro da nossa intervençom política e de toda importante conquista popular. Eis aí que continuaremos estando, resistindo e desafiando o novo cenário repressivo que se abre com a Lei Mordaça, brindando a nossa solidariedade às compatriotas pres@s pola sua atividade política e reclamando a sua posta em liberdade, defendendo os nossos direitos laborais, educativos, linguísticos e sexuais e luitando contra todo ataque procedente de Espanha, o Patriarcado e o Capital.

Para já, o 24 de julho temos umha ilusionante cita que BRIGA contribuiu ativamente a promover e consolidar desde que o 2013 decorria a primeira manifestaçom nacional da juventude da esquerda nacionalista e independentista. Umha mobilizaçom que vence, por umha vez no ano, o fragmentado movimento juvenil galego e reúne a mocidade galega em torno duns parámetros nidiamente independentistas, feministas e anti-capitalistas. Eis umha das vias a manter e alargar, fazendo demonstraçons de força, de vitalidade, de futuro e viabilidade do projeto nacional galego.

E nom só. Mais um ano, voltamos a demostrar que a juventude organizada pode realizar por décimoprimeira vez consecutiva o concerto da Jornada de Rebeliom Juvenil; um evento completamente auto-gestionado no que o trabalho militante de dúzias de moças e moços do País é determinante e demonstra a enorme capacidade da mocidade disposta a trabalhar por um futuro de emancipaçom para a Galiza, para as mulheres e a classe trabalhadora.

Porque temos muito que dizer, temos muito que fazer e muito polo que luitar.

Porque o futuro está nas nossas maos, viva a juventude rebelde galega!

VIVA A GALIZA CEIVE, SOCIALISTA E FEMINISTA!
INDEPENDÊNCIA!


 

Este sitio web utiliza 'cookies'. Si continúas navegando estás dando tu consentimiento para la aceptación de las mencionadas 'cookies' y la aceptación de nuestra política de 'cookies'.
o

La Haine - Proyecto de desobediencia informativa, acción directa y revolución social

::  [ Acerca de La Haine ]    [ Nota legal ]    Creative Commons License ::

Principal