Gaurko egunez, duela 46 urte, Guardia Zibilak Mikel Arregi Marin erail zuen Etxarri Aranatzen

1979ko azaroaren 11n, Mikel Arregi Marin erail zuen Guardia Zibilak Etxarri Aranatzen(Nafaroa). Gauez lagunekin Ziorditik Lakuntzara zihoala, bere autoari metrailetaz tiro egin zion Guardia Zibilak kuartelaren parean. 33 urte zituen, eta Herri Batasuneko militantea zen, eta udal honetako zinegotzia, Lakuntzako Udalean herri hautagaitza baten ordezkari.

Guardia Zibilaren 521 Komandantziak hasiera batean publiko egin zuen ohar ofizialak "kontrol bat gainditu" zutela zioen. Autoko bidaiariek, ordea, ez zuten inolako kontrolik ikusi, ezta seinalerik ere, eta ez zuten gelditzeko seinalerik jaso tiroen egileen aldetik. Gertakaria gertatu eta egun gutxira, Ikerketa Batzorde bat eratu zen. Bertan, Mikelen senideek, lankideek eta aurrez aurreko hainbat lekukok, gehienak Etxarri Aranatz-ko bizilagunak, adierazi zuten ez zegoela inolako kontrolik une hartan, eta ez zirela erabiltzen ari mangito reflektariak. Gertakarien tokitik kasualitatez zirkulatzen ari zen anbulantzia bateko gidaria ere zaurituez arduratu zen, eta haren testigantza eman zuen, bertsio hori bermatuz. Adierazpen horietatik guztietatik txosten zabal bat atera zen, eta epailearen aurrean aurkeztu zen gertakarien ikerketa irekitzeko. Hala ere, argitu gabeko hilketa da, eta ez da sekula inor epaitu edo zigortu.

Gertaera salatzeko egin ziren grebak eta protestak ugariak izan ziren, eta Espainiako Poliziak gogor egin zuen haien kontra ere.