Homenagem a Moncho Reboiras no 37 aniversário da sua queda em combate

Como vem fazendo ininterruptamente desde o ano 2001, a Assembleia Comarcal de NÓS-Unidade Popular em Trasancos convoca para o próximo domingo, 12 de Agosto, um ato político para reivindicar a figura e trajetória combatente de José Ramom Reboiras Noia, militante comunista e independentista galego, morto a tiros pola polícia espanhola em 1975.

A iniciativa consistirá numha concentraçom perante o prédio da rua da Terra onde Reboiras foi abatido há 37 anos. Além da já tradicional oferta floral, contaremos com a intervençom de Carlos Garcia Seoane em representaçom da organizaçom juvenil BRIGA, e de Bruno Lopes Teixeiro, membro da Direçom Nacional de NÓS-UP e da Assembleia Comarcal de Trasancos.

Com esta homenagem, a esquerda independentista e socialista, representada por NÓS-Unidade Popular quer lembrar o exemplo de entrega do jovem revolucionário assassinado em Ferrol. Militante entregado à construçom do sindicalismo nacional e de classe e à organizaçom da Frente Armada da UPG.

NÓS-Unidade Popular assume como próprios os objetivos estratégicos polos que Reboiras deu a sua vida: a Independência e o Socialismo numha pátria livre de patriarcado.

Posteriormente ao ato político decorrerá um jantar de contraternizaçom na Fundaçom Artábria ao preço de 10 euros. Podes apontar-te escrevendo para nos-uptrasancos@nosgaliza.org ou ligando para o 669 778 474.