Segunda-feira 9 de novembro de 2015 é umha data histórica para o povo trabalhador catalám, mas também para o resto das naçons, como a Galiza, submetidas a opressom por Espanha.
O Parlament autonómico da Catalunha aprovou por maioria umha resoluçom que declara solenemente “o início do processo de criaçom de um estado catalám independente em forma de república” e abre um processo constituínte.
Esta legítima decisom é resultado da acumulaçom de forças populares num longo processo em que a maioria do povo trabalhador catalám chegou à conclusom de que as mudanças sociais só som possíveis dotando-se de um Estado próprio, soberano e democrático, sem tutelagens de poderes externos.
A independência catalá está intrinsicamente vinculada à superaçom das políticas ultraliberais, das receitas de austeridade e cortes sociais que os partidos do regime espanhol aplicam contra as maioriais sociais.
O anexo da resoluçom promovida pola CUP e Junts pel Sí garante alguns dos direitos fundamentais que fazem parte do programa reivindicativo dos movimentos sociais, das históricas bandeiras com que saimos à rua durante tantos anos.
O direito à vivenda, ao aborto livre e gratuíto, a umha sanidade e educaçom pública, à defesa das liberdades e os direitos coletivos, à erradicaçom da pobreza energética, a umha política aberta que possibilite o direito ao refúgio, à um poder local com competências, a umha gestom da dívida com perspetiva social, estám claramente concretizados no documento aprovado polo Parlament.
Perante esta decisom soberana e democrática, a maquinária administrativa e repressiva espanhola e o seu aparelho de manipulaçom mediática, estam a preparar nos últimos meses à “opiniom pública” para justificar um golpe institucional.
A política da intimidaçom, ameaça e criminalizaçom nom se restringe ao ámbito retórico. Espanha vai empregar todos as ferramentas repressivas a aplicar a constituiçom postfranquista do 78 para esmagar a vontade catalana de construir umha nova sociedade num país livre e soberano.
Perante esta situaçom, as pessoas e forças políticas e sociais abaixo assinadas:
1- Manifestamos o nosso incondicional apoio à independência da Catalunha.
2- Transmitimos os nossos parabéns ao povo catalám e as suas organizaçons políticas e sociais soberanistas pola decisom adotada.
2- Condenamos qualquer medida repressiva espanhola destinada a impossibilitar umha República catalana.
3- Convocamos o povo galego para condenar os planos golpistas promovidos polos partidos do regime e para sair às ruas a condenar qualquer tentativa de sufocar o seu direito como povo de conquistar a liberdade.
Galiza, 13 de novembro de 2015
Assinantes iniciais
Ernesto Cañedo
Xosé Collazo
Pedro Cortegoso
Antón Escuredo
Mariola González
Igor Lugris
Susana Montesinos
Carlos Morais
Teresa Moure
Néstor Rego
Óscar Valadares