|
7 organizacións subscreben en Compostela un ‘Manifesto Internacionalista’ impulsado por Agora Galiza
Sete formacións políticas de Galiza, Portugal, Euskal Herria, Catalunya, Castela e Andalucía subscribiron o denominado ‘Manifesto Internacionalista de Compostela’
CUP, Boltxe, Nación Andaluza, Plataforma Laboral e Popular, Comunistas de Castilla e Iniciativa Comunista apostan nunha Internacional que contribúa a coordenar “as luitas da classe operária, das mulheres e dos povos a escala mundial”.
Sete formacións políticas de Galiza, Portugal, Euskal Herria, Catalunya, Castela e Andalucía subscribiron este 24 de xullo na capital galega o denominado ‘Manifesto Internacionalista de Compostela’, un documento no que as asinantes mostran o seu “firme compromiso” coa “ruptura” do actual réxime do Estado español e a Unión Europea “mediante a abertura de processos constituíntes”.
O manifesto, impulsado por Agora Galiza, analiza a “crise estrutural” do capitalismo e a “deslixitimación” do réxime español emanado da transición, ao tempo que acredita na loita organizada como único camiño para tombalo. Desbota as alternativas que cualifica de “ilusionismo eleitoral” e advirte contra reformas e cambios no réxime de cara a unha “segunda transición”, o que para edstas 7 organizacións non é senón unha “nova fraude”.
Estas formacións sitúan como prioridade “articular nas nossas respetivas naçons (...) alternativas rupturistas revolucionárias, de genuíno caráter anticapitalista e socialista”. Neste camiño, afirman que a “linha divisoria” entre ruptura e reforma “passa inelutivelmente polo reconhecimento do direito de autodeterminaçom”.
O documento está asinado por Agora Galiza (Galiza), Plataforma Laboral e Popular (Portugal), CUP (Catalunya), Boltxe (Euskal Herria), Nación Andaluza (Andalucía), Comunistas de Castilla (Castela) e Iniciativa Comunista (Madrid).
_____________
Manifiesto internacionalista de Compostela
[GAL]
A crise que arrasta o capitalismo na sua fase senil é de caráter estrutural. Porém, este sistema atualmente hegemónico a escala global nom vai derruir por si só. Só o acionar da classe trabalhadora, das mulheres e dos povos logrará superar umha das piores etapas da história da humanidade.
A involuiçom reacionária e autoritária do Estado espanhol é consequência do retrocesso das luitas, do desarme ideológico da “esquerda” institucional, e antesala do fascismo que emanará das frustraçons do populismo em curso.
A luita organizada, dotada dumha alternativa revolucionária de caráter socialista, é o único caminho para avançar na construçom dumha sociedade com justiça social, liberdades plenas e paz.
Atualmente o capitalismo está agudizando o caos geralizado em amplas zonas planetárias, mediante a brutalidade do militarismo, para assim garantir e aprofundar o saqueio dos recursos naturais, energéticos e a sobre-exploraçom dos povos trabalhadores que permita alargar a sua dominaçom crepuscular.
No 100 aniversário da Revoluçom Bolchevique e no meio século do assassinato do Che na Bolívia, o imperialismo é um monstro que sementa devastadoras guerras de rapina por toda a parte.
Esta crise estrutural do capitalismo coincide com a específica crise económica, política e institucional do regime postfranquista no Estado espanhol.
Lamentavelmente a deslegitimaçom popular do fraudulento sistema “democrático”, emanado da constituiçom espanhola de 1978, tem sido canalizado polo ilusionismo eleitoral promovido polos populismos socialdemocratas que prometem “transformaçons” e “mudanças” empregando as instituiçons.
Umha “segunda transiçom” que assegure umha recomposiçom controlada e limitada do regime, mediante maquilhagens constitucionais e reformas cosméticas, é simplesmente umha nova fraude.
Só umha estratégia de luita operária, popular e nacional de caráter rupturista, visada para a tomada do poder, poderá assegurar cumprir as reivindicaçons e demandas da maioria social e dos povos.
Com a rua como centro de gravidade, temos que contribuir para criar as condiçons subjetivas para articular umha saída política à crise do regime, frente à via eleitoral que só tem desmovimentado as luitas operárias, das mulheres, da juventude, das naçons oprimidas, gerando expetativas inviáveis de cumprir.
Nom podemos deixar-nos arrastar pola interessada perspetiva de acreditarmos que desbancando o PP das instituiçons se recuperarám os direitos, conquistas e liberdades cercenadas e suprimidas pola organizaçom criminal dirigida por Mariano Rajói.
A prioridade é articular nas nossas respetivas naçons, e concretas formaçons sociais, alternativas rupturistas revolucionárias, de genuíno caráter anticapitalista e socialista.
A linha divisória entre reforma e ruptura no Estado espanhol passa inelutivelmente polo reconhecimento do direito de autodeterminaçom das naçons oprimidas polo imperialismo hispano.
Se a equaçom Independência/Socialismo é o eixo central do programa revolucionário das naçons oprimidas, o respeito escrupuloso polo exercício do direito de autodeterminaçom e ruptura do atual regime, é pedra angular do conjunto das organizaçons revolucionárias. Nem o capitalismo, nem o patriarcado, nem Espanha, nem a UE se podem reformar.
As organizaçons e partidos abaixo assinantes manifestamos o nosso firme compromisso com a ruptura do atual regime espanhol e da Uniom Europeia, mediante a abertura de processos constituíntes.
É imprescindível vertebrar umha Internacional que contribua para coordenar as luitas da classe operária, das mulheres e dos povos a escala mundial. Eis o nosso compromisso, contribuirmos modestamente para avançarmos nessa direçom.
A luita é o único caminho!
Compostela, Galiza, 24 de julho de 2017
Andoni Baserrigorri
BOLTXE [País Basco]
Francisco García Cediel
INICIATIVA COMUNISTA [Madrid]
Rosa Gómez
COMUNISTAS DE CASTILLA [Castela]
Miguel Lopes
PLATAFORMA LABORAL E POPULAR [Portugal]
Carlos Ríos
NACIÓN ANDALUZA [Andaluzia]
Anna Gabriel
CUP [Países Catalans]
Carlos Morais
AGORA GALIZA [Galiza]
