13 oreretarren auzipetzearen aurrean

Apirilak 14ean Ciudadanos alderdi faxista espainiarrak Oreretan emandako mitinaren aurka protesta egin zuten ehunka herritarrek, eta haietatik gutxienez 13ren aurka ekinbide judizialak abiatu ditu epaileak.

Lehenik eta behin gure elkartasuna helarazi nahi diegu ikertuak diren herritarrei. Jakin bezate ez daudela bakarrik, faxismoaren aurrean protesta eta borroka molde oro zilegi eta beharrezkoak direla uste dugu. Euskal herriko kaleetan ez dago jarrera faxista eta xenofoboentzat lekurik .

Bigarrenik salatu, egunean bertan, Faxistek Oreretan beren zaborra lasai zabal zezaten alfonbra gorria jartzen saiatu zen polizia baskongadoaren jokaera. Faxistei bidea zabaltzen saiatu, eta aldi berean adin eta baldintza ezberdineko ehunka herritarren aurka bortizkeria osoz amorraturiko matoi txukunen gisa oldartu zen. Horrekin aski ez eta orain alderdi faxistaren eskariz, morroi zintzoen moduan herritarrak identifikatu, eta epaibidean jarri ditu, haiek jaso ditzaketen zigorren arduradun bakarra Ertzaintza da.

Beste behin ere ozen salatu beharra dago, herri honetan adierazpen askatasunak etsairik badu, hori ertzaintza dela, protesta eta bilera eskubideak beti bezeaa biolentziaz zapalduz, okupatzailearen kolaboratzaile izanik, herri honek jasaten duen okupazio militarra eta ukazioaren ezinbesteko zati da.

Amaitzeko esan errepresioa eta faxismoaren aurka, antolakuntza eta borroka direla bide bakarrak, beraz, Lotu borrokari!!! Elkartasun osoa 13ekin!!! Faxismoaren aurka borroka da bide bakarra!!!

Euskal Herria, 2019ko maiatzaren 17a.

Amnistiaren Aldeko eta Errepresioaren Aurkako Mugimendua.