Principal ImprimirImprimir | Volver al artículo
27/05/2019 :: Nacionales Galiza

Causa Galiza chama à mais ampla participaçom popular na XIII ediçom da Marcha às Cadeias

x Causa Galiza
Causa Galiza llama a la más amplia participación popular a la XIII edición da Marcha às Cadeias

A XIII ediçom da Marcha às Cadeias convoca-se após o recente retorno dos presos independentistas galegos para estabelecimentos penitenciários instalados na Galiza e o fim da dispersom carcerária ilegal. No entanto, a solidariedade com os prisioneiros mantém ainda objetivos pendentes até a sua liberdade: o reagrupamento num único módulo, a revisom de grao e o respeito para todos os seus direitos humanos, constitucionais e políticos enquanto continuem privados de liberdade.

A iniciativa cuja 13ª ediçom convoca Que Voltem para a Casa! percorrerá nesta ocasiom muitos menos quilómetros do que os habituais em convocatórias anteriores: duas colunas dirigirám-se desde o norte e o sul da Galiza para a prisom da Paradela (Teixeiro) para levar até os muros do centro penitenciário de máxima segurança as reivindicaçons ainda pendentes no caminho da liberdade definitiva.

Causa Galiza, como organizaçom que reclama a liberdade dos presos e presas políticas, com parte da militância processada na Audiencia Nacional por manter esta posiçom política, chama a converter a XIII ediçom da Marcha às Cadeias num clamor social em defensa dos direitos dos presos independentistas, participando ativamente na marcha e multiplicando os apoios individuais e de agentes sociais e políticos comprometidos nesta perspectiva.

A reserva de vagas para participar na mobilizaçom solidária pode-se fazer contatando por correio, telefone ou redes sociais com Que Voltem para a Casa!, ou através da sua militância nas distintas comarcas.

 

https://galiza.lahaine.org/causa-galiza-chama-a-mais