ePub
pdf
Repsol ye España, y lo demás, petróleu conquistao
-Asturiano-
Nos caberos díes conocimos la noticia de que’l gobiernu arxentín va a recuperar el control de la petrolera YPF mediante la espropiación del 51% de les acciones de la compañía, anguaño nes manes de la multinacional Repsol que, curiosamente, y siguiendo un camín ximielgu al d’YPF, foi vendida pol estáu a preciu saldu con motivu del procesu de privatización d’empreses públiques desendolcáu n’infinidá d’estaos a lo llargo de los años d’ofensiva neolliberal que güei inda sufrimos con fuercia.
Llama muncho l’atención ver la reaición de munchos collacios y collacies, vecinos y vecines, compañeros y compañeres… d’indignación énte’l “robu arxentín d’YPF”, identificando asina la petrolera privada Repsol pa con España, y a min namái sentir estes reaiciones siempres se me vien a la tiesta “la roja”, la seleición española de fútbol como exemplu bien nidiu del forofismu descomanáu de delles persones pa con determinaos símbolos.
Toos y toes conocemos a persones que, con motivu del tornéu futbolísticu de turnu, saquen al balcón la bandera del estáu, fechu qu’enxamás repiten n’otra fecha cualquiera, y como lo de la bandera, otres munches aiciones y fechos esceicionales que respuenden más a dinámiques de manipulación mediática ya imposición qu’a l’aniciativa propio. Y nesti “conflictu petroleru”, paezme que tamos énte un casu similar, onde en llugar de sacar al balcón la bandera roxigualda, saquen a pasear una riestra d’argumentos que, a poco que se profundice, vese nidiamente que son frutu del bombardéu mediáticu y la enquivocada identificación d’intereses privaos pa colos del pueblu.
L’identificar una compañía multinacional, especuladora, qu’agrede ensin esmolición dala los drechos llaborales o mediuambientales, col estáu español, ye una amuesa clara de cuál ye la utilidá d’ésti ente: caltener una serie de símbolos, costumes, etc, garraos a distintos pueblos, pa crear con ellos una concencia de patriotismu haza l’estáu hexemónicu que sirva pa defender los intereses de la burguesía, de les élites polítiques, económiques y sociales, qu’a la fin nun son más que l’interés priváu d’unos pocos.
A too ello, cuando daquién fala del tema Repsol-YPF echando pestes pa los arxentinos y falando de que “mos robaron”, yo pongo un exemplu nidiu: “imaxinái que nós cuntamos con bayuroses reserves petrolíferes, pero éstes son esplotaes por, vamos a poner, una compañía privada de Bélxica…¿veríeis mal que l’alministración pública algamara’l control d’eses riqueces naturales, evitando que’l beneficiu vaya a manes ayenes y equí sólo quede l’esfarrape mediuambiental?”. Pienso que si se fae la preba camudando los papeles d’arxentina y l’estáu español, un bon númberu sofitaría la midida del estáu arxentín en casu de que les reserves de combustible tuvieren equí.
Ta claro que cualquier soberanista aplaudiría la midida d’Arxentina, porque a la fin nun ye más que recuperar la soberanía sobre los recursos regalaos a entidaes privaes, como tamién lo ta qu’hai una parte perimportante de la sociedá que sigui’l discursu mediáticu d’ “ataque a españa” ensin decatase del tresfondu del asuntu, y de qu’en realidá los intereses de la clase trabayadora nun pierden ren por ello, y en tou casu fadríenlo aquelles persones que cunten con una participación en Repsol a les que’hai que dicí-yos que la soberanía del pueblu arxentín ye muncho más importante que les sos plusvalíes.
Tou esti rollu d’enrriba, anque a primer vista pueda paecer que non, tamién tien la so aplicación n’Asturies, y ye que, ¿hai meyor exemplu de país cuyos recursos naturales foron, son, y posiblemente sedrán espoliaos poles oligarquíes del estáu español, nunos casos, y poles élites económiques dueñes d’empreses de diversos países, n’otros?.
Entruguemos a los asturianos y asturianes: ¿paéz-vos bien que seya una empresa privada la que controle los yacimientos d’oru, quedando col beneficiu, y dexando esfarrape mediuambiental? ¿Tais a favor de que, pesie a que somos un país sobreproductor d’enerxía llétrico, valga lo mesmu o más el recibu qu’en territorios que nun producen enerxía? ¿Creyéis conveniente permitir a Repsol facer prospeiciones na costa asturiana a la gueta de petróleu, sabiendo que sedríen ellos los que quedaríen cola inmensa mayoría del beneficiu de la so esplotación, y cuntando col desaniciu mediuambiental qu’amestaría?
Son entrugues que, d’otra manera, tamién pueden dar una visión al soberanismu asturianu, asina como una estaya de trabayu importante pal nuesu movimientu, debío qu’al mio paecer tamos nuna época na que la xente paez tar más receptivo a temes de calter económicu, enerxéticu, etc. y qu’a la fin supón un nichu onde trabayar fórmules soberanistes pa la nuesa nación, por supuestu ensin escaecer temes identitarios, culturales, sociales, etc, tamién perimportantes.
Poro, equí dexo la mio reflexón, sobre trabayar nesta estaya pa desmontar les mentires ya intereses del estáu español y les élites a les que representa, amás de ser una ferramienta p’afondar na concencia soberana del pueblu asturianu, anguaño bien amenorgada, too ello afondando en que non sólo val con estatalizar la mayoría d’acciones d’una compañía, sinon qu’hai que consiguir un repartu del so beneficiu que repercuta dafechu nes clases populares.
-Castellano-
En estos días conocimos la noticia de que el gobierno argentino va a recuperar el control de la petrolera YPF mediante la expropiación del 51% de las acciones de la compañía, que en las manos de la multinacional Repsol que, curiosamente y siguiendo un camino parecido al de YPF, fue vendida por el estado a precio de saldo con motivo de la privatización de las empresas públicas envueltas en infinidad de estados a lo largo de los años de la ofensiva neoliberal que hoy sufrimos con fuerza.
Llama mucho la atención ve la reacción de muchos hermanos y hermanas, vecinos y vecinas, compañeros y compañeras… de indignación entre el “el robo argentino de YPF” identificando así a la petrolera privada Repsol con España y a mi manera de sentir, con estas reacciones se me viene a la cabeza “la roja”, la selección española de fútbol como ejemplo del forofismo descomunal de las personas para con determinados símbolos.
Todos y todas conocemos a personas que, con motivo del torneo futbolístico de turno, sacan al balcón la bandera del estado, hecho que jamás repiten en otra fecha cualquiera.
Y como lo de la bandera, otras muchas acciones y hechos excepcionales que responden mas a dinámicas de manipulación mediática y a imposición que a iniciativa propia. Y, en este conflicto petrolero, me parece que estamos en un caso similar, donde en lugar de sacar al balcón la bandera roja y amarilla, sacan a pasear una riestra de argumentos que, a poco que se profundice, se ve inmediatamente que son fruto del bombardeo mediático y la equivocada identificación de intereses privados con los del pueblo.
El identificar una compañía multinacional, que agrede sin preocupación los derechos laborales o medioambientales, con el estado español, ye una muestra clara de cual es la utilidad de este ente: mantener una serie de símbolos, costumbres, etc, cogido de distintos pueblos para crear con ellos una conciencia de patriotismo hacia el estado hegemónico que sirva para defender los intereses de la burguesía, de las élites políticas, económicas y sociales, que al final, no son mas que los intereses privados de unos pocos.
A todo ello, cuando alguien habla del tema Repsol-YPF echando pestes hacia los argentinos y diciendo que “nos robaron”, yo pongo un ejemplo suave: “imaginar que nos encontramos con unas copiosas reservas petrolíferas, pero estas son explotadas por, vamos a poner, una compañía privada de Bélgica…¿veriáis mal que la administración pública tomara el control de esas riquezas naturales, evitando que el beneficio vaya a manos ajenas y aquí solo quede el desastre medioambiental?” Pienso que si se hace la prueba cambiando los papeles de Argentina y el Estado español, un buen número apoyaría la medida del estado argentino en caso de que las reservas de combustible estuvieran aquí.
Está claro que cualquier soberanía aplaudiría la medida de Argentina, porque al fin, no es más que recuperar la soberanía sobre los recursos regalados a entidades privadas, como también hay una parte muy importante de la sociedad que sigue el discurso mediático de “ataque a españa” sin darse cuenta del trasfondo del asunto y de que, en realidad los intereses de la clase trabajadora no pierden por ello y, en todo caso, lo harían aquellas personas que cuentan con una pareticipación en Repsol a las que hay que decirles que la soberanía del pueblo argentina es mucho mas importante que sus plusvalías.
Todo este rollo de arriba, aunque a primea vista pueda parecer que no, también tiene su aplicación en Asturias y es que ¿hay mejor ejemplo de país cuyos recursos naturales fueron, son y posiblemente, serán expoliados por las oligarquías del estado español en unos casos y por las élites económicas dueñas de empresas de diversos países en otros?
Preguntemos a los asturianos y asturianas: ¿os parece bien que sea una empresa privada la que controle los yacimientos de oro, quedando con el beneficio y dejando desastre medioambiental? ¿Estáis a favor de que , pese a que somos un país sobreproductor de energía eléctrica, valga lo mismo o más el recibo que en territorios que no producen energía? ¿Creéis conveniente permitir a Repsol hacer prospecciones en la costa asturiana a la caza del petróleo, sabiendo que serían ellos los que se quedarían con la inmensa mayoría del beneficio de la explotación y contando con extinción medioambiental que provocaría?
Son preguntas que, de otra manera, también pueden dar una visión al soberanismo asturiano, así como un trabajo importante para nuestro movimiento, debido que, a mi parecer, estamos en una época en la que la gente parece estar más receptiva a temas de carácter económico, energético, etc. Y que al fin y al cabo supone una forma donde trabajar fórmulas soberanistas para nuestra nación, por supuesto sin dejar temas identitarios, culturales, sociales, etc. también muy importantes.
Aquí dejo mi reflexión sobre trabajar en esta etapa para desmontar las mentiras e intereses del estado español y las élites que representa, además de ser una herramienta para ahondar en la conciencia soberana del pueblo asturiano, hoy en día bien aminorada, todo ellos incidiendo en que no solo vale con estatalizar la mayoría de las acciones de una compañía, sino que hay que conseguir un reparto de su beneficio que repercuta directo en las clases populares.
