Feremos beyer a reyalidat trilingüe d'Aragón

FEREMOS BEYER A REYALIDAT TRILINGÃœE d’ARAGóN

O coleutibo A Enrestida nos proposamos d’amostrar a tot Aragón a suya reyalidat trilingüe. Ye un feito indudable que en Aragón se indibidualizón dos luengas romanicas, deribadas d’o latín dende o sieglo VII. Una d’ellas yera o catalán y l"atra l"aragonés, d’a que esisten dende o sieglo XIII testimonios d’a suya identidat lingüistica.
Tanto a Costituzión Española, como l"Estatuto d’Autonomía d’Aragón, de bez que en a Carta Europeya d’as Luengas reconoixen d’una traza esclatera os dreitos d’as minorías lingüisticas.
Os dreitos lingüisticos de mils de presonas en tot Aragón son incumplius de tot diya par d’atro. Tamién muitos atros dreitos d’espresión son incumplius dende fa bel tiempo con a escusa d’a especulazión en Zaragoza. "A Enrestida" siempre será en a baralla ta que se dixen sentir todas as opinions.
O castellano ye impuesto en un puyal de lugars de tot Aragón, en as suyas escuelas. Zientos de conzellos y personal administratibo han de traduzir os suyos testos ordinarios ta o castellano. Antimás de tot isto l"aragonés contina sufrindo a suya bulgarizazión: no i hai garra meyo de comunicazión ofizial en ista luenga, no i hai garra academia de l"aragonés que s"encargue d’a suya normatibizazión. L"aragonés común, que ye fundamental ta la suya amostranza en zentros neutrals, no cuenta con a suya legalidat. Tanto dende seutors d’ultradreita y dreita baturra como dende a cucha españolista más ranzia se contina discriminando o prozeso normatibizador y a propia esistenzia de l"aragonés.
Pero no ye l"inte de queixar-se, pero tampoco no d’aconortar-nos. L"aragonés ha d’estar conoixiu por toz y emplegau sin bergüeña en toz os puestos posibles. A chen que tiene l"aragonés como luenga materna ha de beyer que o suyo parlache puede serbir ta charrar en toz os puestos y d’una traza culta.
Prou que a implicazión d’os politicos ha estau nula por agora. A lamentable autuazión en a reforma de l"Estatuto dixa esclatero as ganas de toz os partius politicos por tornar a amagar a situazión lingüistica d’Aragón. L"aragonés y o catalán han d’estar emplegaus en as Cortes, en os plenos d’os Conzellos, en as ruedas de prensa...
A poblazión tamién les ne emos d’esichir, no sólo que a politicos sino tamién a la chen clamadas "inteleutuals", istos que se dizen conoixedors y estudiosos d’a cultura. Cualsiquier autibidat estudiada ha estau fablada en a suya luenga materna, y isto no puede amagar-se más. No puede estar que zientos d’escritos meyebals, an que se demuestra que en tot Aragón se parló aragonés dica fa poco, continen amagaus.
A situazión autual fa que pleguemos a planteyar-nos que no i hai atra soluzión que a promozión d’o monolingüismo autibo debán de proposas de falso rispeto por parti d’os partius politicos. L"aragonés ha de fer-se sentir. No puede estar que, chen que baiga enta puestos an que l"aragonés ye mayoritario en a suya poblazión, se queden con a sensazión que nomás se i parla castellano; museus, siñals, fuellas informatibas, etz
Por tot ixo, A Enrestida beye menister barallar todas aquellas aczions que nos oprimen por parti de l"Estau español, ya sigan imposizions culturals-lingüisticas, como pueblo a dezidir libremen a suya traza d’organizazión y todas as que bienen como consecuenzia d’o sistema capitalista y que nos afeutan en a bida cutiana, ya siga o nuestro treballo, en a unibersidat, istituto u en a carrera.

Aragón ye trilingüe-Aragó és trilingüe-Aragón es trilingüe

A ENRESTIDA