La Audiencia Nacional LLama a declarar a 4 ciudadanos galegos por "Enaltecimiento"

O juiz do tribunal de excepçom espanhol, Eloy Velasco imputou B.M.R., R.M.R., J.L.L., e X.R.S por enaltecimento do terrorismo, por portarem fotografias de presos políticos. Este delito segundo a legislaçom espanhola pode supór umha condena de até dous anos de prisom. Até o de agora já declararom sob esta acusaçom seis mozas de Ourense, quatro participantes num lipdub em Ginzo e agora estas novas quatro pessoas.

Esta informaçom foi difundida atravês da agência do régime Europa Press, na que alegava a participaçom das pessoas imputadas por participarem em umha concentraçom o passado 2 de Julho em Compostela. Concentraçom da que nom temos conhecimento, polo qual pode-se suspeitar que seja um erro, o qual nom seria extranho dado que a única fonte da agência é o Ministério de Interior. O imputaçom, supostamente, seria obra da perícia policial para identificar estas pessoas.

Eloy Velasco, juiz instrutor da causa contra o independentismo galego tomou esta decisom após a presentaçom dumha querelha por parte da Fiscalia. Esta decisom toma-se enquanto se espera pola decisom do tribunal especial arredor do juizo do passado mes de Junho em Madrid contra quatro independentistas. Eduardo Vigo, Roberto Fialhega, Antom Santos e Maria Osório estám à espera dumha sentença na que sumam até 64 anos de prisom. As condenas mais elevadas dentro da legislaçom espanhola, reservadas para disidentes políticos, sem que haja entre as acusaçons nengum delito de sangue.