Pincheu solidariu del FUSOA en sofitu de los detenios de la fuelga 14N

El pasáu 14 de Payares, la clase trabayadora xunióse mayoritariamente a la Fuelga Xeneral, denunciando los continuos ataques del capitalismu en forma de reformes llaborales y retayos en conquistes sociales tales como la educación y la sanidá públiques. Ante esta muestra de concencia y llucha, l'actual Delegáu del Gobiernu, al igual que tolos anteriores, nun tuvo otra rempuesta que poner la maquinaria represiva en marcha. Identificaciones y detenciones arbitraries que acabaron cola imputación de 8 persones q
ue formaben d'un piquete informativu, delles cargues y l'asaltu a la Casa Sindical fueron el resultáu d'esta operación d'intentu de desprestixu a una clase trabayadora cada vez más farta de l'actual situación.

Les muestres de solidaridá produxéronse dende'l mesmu día de la Fuelga. Casi 5.000 persones arrodiaron la Comisaría de Policía Nacional d'El Natahoyo pa desixir la inmediata puesta en llibertá de les 4 persones deteníes esi día. La selmana pasada, dellos cientos de persones arroparon, nel so pasu pelos Xulgaos pa declarar ante la Xueza d'Instrucción, a les 4 persones deteníes y a les persones 4 identificaes.

La solidaridá continúa esta selmana en forma d'un pinchéu solidariu organizáu pol Fondu xUnitariu de Solidaridá Obrera d'Asturies (FUSOA), y cuyos beneficios van dir pa sufragar los gastos derivaos del procesu xudicial a los 8 compañeros.

Mostrái la vuesa solidaridá colos compañeros imputaos, veníi a comer unos pinchinos y a collaborar coles caxes de resistencia. Pero recordái, a los compañeros y compañeres identificaes, deteníes, imputaes, encarcelaes... la meyor manera de mostra-yos la solidaridá ye continuar la so llucha. Porque'l Capital nun va ser quién a paranos.

Será el prósimu miércoles a les 21:30 en el C.S.Sestaferia (C/ Joaquín Alonso Bonet, 3, Xixón)