lahaine.org
Asturies, Anti Patriarcado :: 08/03/2016

[Asturianu] 8 Marzu: triplemente oprimíes, triplemente en llucha contra’l patriarcáu

Darréu
Dende Darréu, vemos necesario poner el güeyu en cuestiones como la situación de los roles de xéneru, les rellaciones de pareya, o la violencia sexista pente la xuventú.

 




N’Asturies la evolución de la situación de les muyeres dende l’últimu 8 de marzu nun puede calificase de positiva: siguen careciéndose problemátiques como la violencia machista y otres amueses de sexismu, al tiempu qu’en cuestiones como les condiciones llaborales, el panorama ye bien sangrín.

Nesi sen, va bien poco conocíemos qu’un estudiu cifraba la brecha salarial pente homes y muyeres nun 22,2%: les muyeres asturianes tienen que trabayar 105 díes más qu’un home pa cobrar lo mesmo pol mesmu trabayu. Ye un exemplu, de los munchos que podemos ver acaldía en cifres, y tamién cola simple observación de la nuesa realidá inmediata.

Dende Darréu, como organización de mocedá, tamién vemos necesario poner el güeyu en cuestiones como la situación de los roles de xéneru, les rellaciones de pareya, o la cuestión de la violencia sexista pente la xuventú. Consideramos que la realidá d’estes cuestiones pon de manifiestu la importancia del llabor de concienciación, y de l’ausencia d’ésti nel tarrén educativu y en cualquier otru de calter institucional: de nun ser pol trabayu nesa estaya del movimientu feminista, les midíes d’esi tipu sedríen una ausencia más.

En definitiva, dende la Mocedá d’Izquierda Soberanista paeznos que’l 8 de marzu sigue siendo una fecha perimportante pa la reivindicación feminista, que nun ye otra que la reivindicación d’una Asturies igualitaria y llibre d’opresiones de, ente otres munches, xéneru. Pa ello, valtiar col patriarcáu ye imprescindible, p’algamar una Asturies llibre, de muyeres llibres.

PUXA LA LLUCHA FEMINISTA

 

Este sitio web utiliza 'cookies'. Si continúas navegando estás dando tu consentimiento para la aceptación de las mencionadas 'cookies' y la aceptación de nuestra política de 'cookies'.
o

La Haine - Proyecto de desobediencia informativa, acción directa y revolución social

::  [ Acerca de La Haine ]    [ Nota legal ]    Creative Commons License ::

Principal