lahaine.org

compartir

                        

Dirección corta: https://lahaine.org/dO47

Convertir a ePub  ePub        Convertir a pdf  pdf
  tamaño texto
Enviar por e-mail  enviar        Versión para imprimir  imprimir

traductor

13/01/2013 :: Asturies

Suatea manifiesta’l so esmolecimientu pola situación na que pue topase la enseñanza de la Llingua

x SUATEA

Esti sindicatu yá manifestó la so oposición frontal énte una llei retrógrada, segregadora, machista y privatizadora, que namás favorez a les patronales de la enseñanza privada y a la Ilesia Católica.

Na reunión qu’hubo sobre la LOMCE, SUATEA manifestó-y a la Conseyera d’Educación la urxencia de llantar la Especialidá de Llingua Asturiana, pa lo que cuenta con informes favorables tanto del Conseyu Escolar del Estáu como de la Universidá d’Uviéu como de la mayoría de los grupos parlamentarios de la Xunta Xeneral.
Esta midida nun garantizaría ella sola la pervivencia del Asturianu y el Gallego-Asturiano nel enseñu de la nuestra comunidá autónoma, pero diba ser un reblagu de xigante nel so afitamientu y amosaría’l verdaderu interés del gobiernu asturianu en echar p’alantre esta demanda de la inmensa mayoría de la sociedá asturiana.

Pero a naide se-y escapa que los incumplimientos reiteraos de la Llei d’Usu y les torgues a la enseñanza del asturianu y el gallego-asturiano fueron nefastos pal avance y l’afitamientu de la nuestra llingua. Por eso tamién-y plantegamos a la Conseyera que la única medida que pue blindar la enseñanza de la Llingua ye la declaración d’oficialidá del Asturianu.

El día 19 aconceya otra vuelta nuevamente la Conferencia Sectorial de Educación y habrá probablemente dalguna novedá nel Anteproyectu de Llei de la LOMCE Tamién el día 19 celébrense actos en defensa de les llingües del estáu énte l’ataque al so status y a los avances n’inmersión llingüística algamaos neses comunidaes.
Dende SUATEA queremos solidarizanos con estes reivindicaciones, apoyar les iniciativas entamaes pola Academia de la Llingua Asturiana y convocar al profesoráu de llingua asturiana a una asamblea que va facese el 15 de xineru a les 18:00 hores nel IES Aramo d’Uviéu, y onde va informase de la nueva situación y van proponese midíes de llucha pa defender la nuestra Llingua y refugar dafechu la LOMCE.

compartir

                        

Dirección corta: https://lahaine.org/dO47

 

Contactar con La Haine

Envíanos tus convocatorias y actividades!

 

La Haine - Proyecto de desobediencia informativa, acción directa y revolución social

::  [ Acerca de La Haine ]    [ Nota legal ]    Creative Commons License    [ Clave pública PGP ] ::

Principal