20 d'Abiento

"Seguidamente se dio garrote al pelaire Fuertes y se cortó la cabeza a los restantes. A D. Diego de Heredia se le cortó por detrás, porque así se había dispuesto en la sentencia, con tan mala fortuna y falta de habilidad que fue preciso descargar más de veinte golpes, llegando a caer al suelo la pieza de madera sobre la que apoyaba la cabeza y perdiendo la venda que cubría sus ojos, cuando aún estaba vivo.

Colocaron la cabeza de D. Juan de Luna en la portada de las casas de la Diputación con una piedra grande en la que se había escrito: "Ésta es la cabeza de D. Juan de Luna, caballero de esta ciudad y Diputado mayor, que fue traidor a S.M. gravemente, el año de 1591".

La de D. Diego de Heredia se puso de la misma forma en la puerta que daba al puente de Piedra, mientras que la de Francisco de Ayerbe se colgaba dentro de una jaula de hierro en la pared de la cárcel de los manifestados y la de Dionisio Pérez en la puerta de Valencia.

El cadáver de Antonio Fuertes fue troceado en cuartos que se colocaron en los diferentes caminos de acceso a la capital y su cabeza, en la puerta del Portillo."

La invasión de Aragón en 1591. Una solución militar a las alteraciones del Reino.
Manuel Gracia Rivas. Ed. Diputación General de Aragón. 1992

Con istas parolas rezenta l'istoriador Manuel Gracia Rivas a execuzión de bels aragoneses en otubre de 1592, cuasi una añada dimpués d'a imbasión d'iste país per l'exerzito castellán y l'asesinato d'o Chustizia Mayor Juan de Lanuza a radiz d'as algaradas populars contra Felipe II bibidas mientres 1591. No imos a dentrar en os feitos istoricos que leboron enta ista situazión ni en o mensache simplista de que o Chustizia yera nomás que un noble y bien muerto ye per ixo, sino en a carga simbolica d'ixa calendata y d'ixe personache dentro d'un contexto politico e istorico de construzión d'una nueba entidat churidico-politica como España en oposizión por tanto a la existenzia d'Aragón como pueblo/nazión y d'os demás pueblos u nazións sosmesos per ixe mesmo estau.

Una añada dimpués d'a muerte de Juan de Lanuza, o Gubernador reyal e o tribunal d'a Inquisizión dictón sendas sentenzias ordinando a execuzión de más de 35 aragoneses en Zaragoza, a mayor parti labradors, sirbiens, treballadors manuals a o que cal adibir-ie más de 10 execuzions feitas en Teruel y atros puestos, como represalia per a suya partizipazión en as alterazions. Cuasi un ziento más estioron condenaus a tormento (o que güe clamamos tortura), engarcholaus u esterraus d'o reino. Muitos más se trobaban exiliaus u en clandestinidat ta no sufrir ixas mesmas condenas.

As casas d'os dirichens d'a resistenzia, prenzipiando per Lanuza, estioron esbaldadas como una mena d'escarmiento a las suyas familias en os suyos biens materials. Truca o ficazio como los exerzitos d'ocupazión gosan repetir as mesmas trazas d'autuazión a tamas d'o paso d'o tiempo u d'o marco cheografico, remeremos Palestina güe

L'exerzito d'ocupazión que dentró en Aragón en 1591, formau per uns 20.000 soldaus, i remanió 18 meses, pero antis de marchar-ne o monarca guaranzió los suyos intereses de conquista con a construzión de fortificazións en bels puestos d'o país, más que más en l'Alto Aragón (en Ansó, Echo, L'Ainsa, Benás, a ziudadela de Chaca con a sincusa d'estar zentros d'esfensa debán d'una imbasión pirenenca. Tamién s'enampló lo castiello de L'Alxafería ta poder aloxar-ie un destacamento melitar.

As preocupazions de Felipe II yeran prou alazetadas, pos en febrero de 1592 ya s'eba feito un poder ta tornar en Aragón y promober una nueba insurrezión per 900 exiliaus aragoneses en conchunta con 1200 soldaus oczitans nimbiaus per o rei Enrique IV de Franzia que esnabesón a muga, ocuporon a Bal de Tena y plegoron dica Biescas, reconquerindo lo lugar, pero estando derrotaus poco dimpués per as tropas reyals debiu a la manca de refirme popular y o refuse d'a chen d'os lugars que beyoron iste feito como una imbasión de soldaus franzeses luterans.

A rebelión de 1591, a imbasión d'Aragón y a muerte d'o Chustizia, con a posterior represión popular, no son simples datos istoricos buedos de conteníu político, sino que marcan una estratechia d'o monarca castellán per esfender as suyas posesións y os suyos intereses en un territorio que s'eba amostrau reazio a la intromisión extranchera en os suyos afers internos. Per ixo caleba cambear ixa perspeutiba y fer beyer a os abitadors d'Aragón d'a traza más contundén posible que dengún no puede eslampar a os designios reyals, más que más a prenzipal fegura politica d'o reino ta par d'alabez, o Chustizia. Escomenzipiaba una nueva epoca. A personalidat politica y churidica d'Aragón se'n iba esbafando en o marco español, y con ella a conzenzia de pertenexer a un pueblo.

O 20 d'Abiento no se remera sólo que a muerte d'un miembro de l'aristocrazia aragonesa. Como ya s'ha dito, dimpués bi'n abió muitas más, cuasi 50, o que nunca no gosa dezir-se per a istoriografía ofizial "españolizán" cuan se'n parla. Muitos más estioron torturaus, engarcholaus, exiliaus y no pas yeran toz nobles u chen poderosa sino más que más personas perteneziens a las clases populars

Ísta abría d'estar una calendata ta recuperar ixa conzenzia de pueblo, ta amostrar que a situazión d'opresión nazional y sozial d'Aragón ye un feito que mos biene dende muito luen y ye consecuenzia d'a pertenenzia a un estau capitalista como l'español que borra la nuestra identidat, a nuestra cultura y que sostién un orden economico que mos explota como treballadors y treballadoras. Ye l'inte de dizir NO A ESPAÑA y continar a luita per a nuestra emanzipazión nazional y de clase.

Independenzia & Sozialismo

+Info:
Zentro Sozial Autochestionau A Enrestida
Callizo San Cristobal - La Madalena - Zaragoza
http://aenrestida.blogia.com/
aenrestida@hotmail.com