AGIR apoia convocatória da Ass. Geral da USC

A Assembleia Geral prepara para o dia 4 de Dezembro, dentro dumha semana exactamente, a mobilizaçom mais relevante do calendário de agitaçom que vem dessenvolvendo este primeiro quadrimestre do curso em Compostela.

Sob a legenda genérica "Bolonha é a nossa ruína", centos de cartazes fôrom colados polos 3 Cámpus da capital galega, e é seguro que se manterá um importante ritmo de agitaçom estudantil ao longo dos dias restantes até a convocatória, que partirá da Praça do Pam às 12 horas.
Também tenhem aparecido pintadas chamando à mobilizaçom, e milhares de panfletos estám a ser repartidos, somando-se à actividade coordenada de grupos informativos que se movem polas Faculdades.

AGIR chama à comunidade estudantil, nem só universitária, a aderir a esta marcha contra a liberalizaçom dos serviços públicos amparada polo neoliberalismo; em defesa da educaçom pública como fundamento essencial da luita estudantil a dia de hoje. A voracidade do grande capital, seduzido polas cifras monetárias que circulam por volta da educaçom, pretende tornar as nossas aulas em lavagem cerebral para saírmos ao mercado laboral; os nossos laboratórios em salas de investigaçom rentáveis para os seus fins; os nossos Cámpus em feiras de exposiçons e chantagens mercantilistas... Todo isto podemo-lo ver já na USC, cada ano com maiores evidências.

MOBILIZA-TE CONTRA BOLONHA!!
O DIA 4, O ESTUDANTADO ÀS RUAS DE COMPOSTELA!!
CONTRA A MERCANTILIZAÇOM, ADIANTE AS ASSEMBLEIAS!!