Galiza com a Palestina e o Líbano: quase 1.500 pessoas nas ruas galegas contra o genocídio

5 de Agosto de 2006

A Galiza viveu ontem umha importante jornada de solidariedade com a causa dos povos palestiniano e libanes, convocada em sete localidades pola Plataforma Galega contra a agressom sionista ao Líbano e Palestina. A esquerda independentista tivo umha importante implicacom no que foi avaliado como umha luita imprescindível por parte de organizacons como NóS-Unidade Popular e BRIGA.

Ponte Vedra registou a mobilizacom mais numerosas, por volta das 450 pessoas, convocadas pola Coordenadora de Ponte Vedra contra a Guerra, em que participam entidades como NóS-UP e BRIGA, além do centro social a Revira e outros sectores da esquerda da cidade. Um grupo de imigrantes magrebin@s aderírom à manifestacom, que concluiu com a queima de umha bandeira do Estado de Israel, muito aplaudida pol@s participantes. A faixa principal levava escrita a legenda "Estado de Israel terrorista. Nom ao genocídio", e destacou a presenca de bandeiras palestinianas.

Na capital da Galiza decorreu a segunda convocatória com maior participacom, atingindo por volta das 300 pessoas, e com presenca da esquerda independentista junto a outros sectores sociais e políticos da cidade e a comarca.

Em Vigo houvo também manifestacom polo centro da cidade, com umhas 250 pessoas a denunciar a política sionista de extermínio, o apoio dos EUA e a cumplicidade da UE. Na Corunha f'rom umhas 200 pessoas as que se concentrárom no Obelisco coreando palavras de ordem em apoio à luita do povo palestiniano e em solidariedade com o Líbano. BRIGA e NóS-Unidade Popular participárom com faixas próprias, e as bandeiras palestinianas e libanesas partilhárom espaco com as galegas.

Em Ferrol, a concentracom decorreu em frente da sede da Junta da Galiza, com umhas 150 pessoas e participacom de representantes das organizacons integradas na Plataforma, atrás da faixa com a legenda "Contra o genocídio no Líbano e a Palestina. Detenhamos Israel". NóS-UP tivo presenca com umha faixa que denunciava a ofensiva nazi-sionista, e afirmava que "Líbano e Palestina vencerám".

Lugo e Ponte Areas, com 50 pessoas, completárom as sete convotórias de ontem, que afirmárom a necessária solidariedade galega com os heróicos povos do Líbano e a Palestina, que resistem a agressom criminosa de um dos exércitos mais poderosos do mundo.

É necessário que o primeiro passo dado ontem sirva para aumentar a resposta frente ao imperialismo em todas as suas manifestacons. A agressom sionista vai continuar ainda por tempo indefinido, e é urgente alargar a participacom popular denunciando as responsabilidades nom apenas do Estado terrorista de Israel e o apoio ianque, mas também as cumplicidades europeias, a comecar pola passividade do Estado espanhol e o silencio da Junta da Galiza.

Palestina e o Líbano vencerám!