Galiza: novos acidentes mortais na construcom em Lugo e Ribeira

Primeira Linha em Rede
www.primeiralinha.org

31 de Maio de 2006

A morte de dous operários, um em Ribeira e outro em Lugo, confirma o alto índice de sinistros laborais no sector da construcom na Galiza. Só contabilizando a populacom da Comunidade Autónoma, produzem-se 10% dos acidentes laborais do Estado espanhol, o dobro do correspondente à média consoante a populacom ocupada com que a Galiza conta a respeito do Estado.

José Manuel Veiga Barreiro, pedreiro de 44 anos, e Joám Castro, canalizador de 58 anos, som as duas últimas vítimas mortais por acidente laboral no nosso país, circunstáncia aproveitada, mais umha vez, polo conselheiro do Trabalho, Ricardo Varela, para anunciar "medidas", reconhecendo a alta incidencia da sinistralidade laboral na Galiza.

No entanto, os acidentes e as mortes continuam a suceder-se, e as medidas nom se vem por nengures, segundo reconhecem as centrais sindicais e comprova qualquer galego ou galega só com acompanhar as páginas de sucessos dos jornais. Nem planos de choque, nem medidas extraordinárias, nem inspeccons suficientes, nem punicom aos empresários. Nengumha medida significativa foi por enquanto adoptada pola Administracom autonómica, para além do palavrório oportunista.

Quanto às referidas últimas mortes na construcom, a CIG denunciou falta de meios de seguranca e convocou umha concentracom em Lugo exigindo responsabilidades à Administracom autonómica perante a altíssima mortalidade e acidentalidade laboral na Galiza, nomeadamente em sectores como o da construcom (18 mortos e 324 acidentes graves na Comunidade Autónoma em 2005 sem contar o actual mes de Maio).