Gizon bat atxilotu dute Bilbon, bikotekide ohia bahitu eta bortxatzeagatik

Atzo, emakume bat etxera itzultzen ari zela, bikotekide ohiak bizkarretik harrapatu zuen, iletik helduta, eta etxe barruan sartzera behartu. Han, labana batekin mehatxatu ondoren, sexu eraso bat egin zion, eta hainbat lesio eragin. Dirudienez, 40 urteko erasotzailea etxeko atarian zegoen ezkutatuta, haren zain.

Etxebizitzatik ateratzea lortu zuen biktimak, eta laguntza eskatu zuen. Handik gutxira, ustezko erasotzailea atxilotu zuten, Bilboko erdigunean. Genero-indarkeriaren eremuan sexu-erasoa egitea egozten diote. Biktima lekuan bertan artatu eta ospitalera eraman zuten.