Gizonezko batek emakume bati eraso egin dio Donostian

Igandean, 59 urteko gizonezko batek emakume bati eraso egin eta bere gauzak lapurtu zizkion. Erasotzaileak emakumezkoa lepotik eta besoetako batetik helduta eta horma baten kontra estutua zuen. Orduan, zerbitzuz kanpo zegoen ertzain batek gizona apartatu, eta eskuetan biktimaren sakelako telefonoa eta diru zorroa zituela ikusi zuen. Patruila bat bertaratu zenean atxilotu zuten.

Erasotzailea eta biktima elkarrekin bizi izan dira Donostiako emakumearen etxean, eta mehatxu, bortxa eta tratu txarrak jaso ditu. Azken hilabeteotan, gizonezkoa bost aldiz ikertu edo atxilotu dute biktima babesteko emandako agindu judiziala behin eta berriz urratzeagatik. Astelehenean, epaileak hura espetxeratzeko agindua eman zuen.