Militarizam Universidade de Vigo!

Recomendamos às pessoas interessadas em aprofundar nesta notícia, aceder às novas anteriores sobre este particular.

Novos espaços sociais para as forças de ocupaçom

O governo do PSOE, ao acubilho da útilizaçom maniquea da universidade polo capital no seu processo de desenvolvimento histórico, acedeu pola calada a realizar mais umha concessom ao exército espanhol. Desta volta o regalo vinha selado com a garantia da universidade espanhola, ou, o que é o mesmo, do Ministério de Educaçom, a Conferência de Reitores e os Conselhos Sociais (órgaos de participaçom e direcçom empresarial). Assim, na Galiza, importante "bastiom" de ocupaçom castrense, surgem para já os efeitos que os piores agoiros podiam antecipar.

Resumindo, de AGIR queremos salientar que o objectivo deste processo tam bem congeniado entre as partes "civil" e "militar", é ubicar no espaço físico (mas ante todo logístico) da universidade pública, centros de formaçom militar com umha dupla convalidaçom académica: a propriamente civil que estudamos todos e todas, e a especial militar. A conseqüência disto, a militarizaçom da Universidade tornará umha realidade obscena, porquanto mesmo o professorado compatibilizará à força aulas em centros militares e civis.

Universidade de Vigo dá o passo à frente

Sem qualquer rubor, todo à espanhola, com assinaturas ante os meios e sorrisos de campanha publicitária... Assim é que Alberto Gago, Reitor da Universidade de Vigo, e Maria Victoria San José, subsecretaria de Defesa, acreditavam publicamente que no curso 2009-2010 se constituirá o Centro de Formaçom da Defesa na base naval de Marim, como adjunto à Universidade pública viguesa. Toda umha honra da que seguro nom haverá manifestaçom em contra algumha por parte dos gerentes da cámara municipal PSOE e BNG.

Umha comissom de trabalho prepara agora o que dará em ser um grau, conforme aos critérios do EEES, provavelmente dalgumha engenharia. A principal funçom desta comissom é concretar o resultado de coordenaçom entre os planos de estudo gerais e os específicos militares. Todo um reto para fortuna do ensino do novo século...

Alberto Gago vem de erigir-se num inimigo de primeira ordem dum ensino nacional e público, e num paradigma da burocratizaçom estigmatizadora das Reitorias em paralelo à penetraçom do grande capital como autêntico gestor. O próprio Gago garantiu o benefício (?¿) deste projecto para o bem da Universidade de Vigo, enquanto a representante do Ministério de Defesa cingia-se a reconhecer a enorme utilidade que terá isto para o exército espanhol. De agora em diante, o exército golpista poderá oferecer-nos, além de requintados paradisos vacacionais, estudos com dupla acreditaçom garantida para melhor saída do incerto futuro laboral do estudantado de ensino superior.

Para paralisar isto, para protestar contra isto, só há umha via:

ORGANIZAÇOM ESTUDANTIL NACIONAL E LUITA ANTIMILITARISTA!