Quem é o delinqüente?

"Á atención da AMI:

Levo pensando un mes que actitude tomar convosco, e a única que se me ocorre é a de pasar.

Considero que estades a levar unha política de insultos e de descalificacións graves e gratuitas (o tríptico adicado ó ensino) e totalmente erróneas. Véxovos afastados da realidade do galego falado - quen mantén aínda vivo o noso idioma como fixo no pasado - e do escrito (escríbovos no galego da RAG e do ILG) cal nazis á captura do "non falante" (en parte porque hai unha asignatura: Galego, que debería ser suprimida do sistema educativo por actividades que amosaran cal é a realidade de Galicia. Isto está a provocar unha deserción masiva do idioma en proveito do castelán. Pero desde logo vós non sodes alternativa viable. O que quera aprender portugués á Escola de idiomas ou ás Universidades). Vós non sodes máis que guiñoles e uns paiasos, monos imitadores e uns incompetentes. Por certo, non volo dixen, por ese fermoso tríptico ides, en breve, recibir unha querela criminal que veño de vos interpór: non todos somos delincuentes perigosos que andamos soltos polos centros. E se vos serve de referencia, eu son profesor de Francés que emprego a dúas linguas na aula (francés e galego).

Cordialmente

Manuel Germán Barreiro García"

Sr. Manuel Germán:

Nós nom levamos um mes, mas muitos anos a pensar qual é a atitude que se deve tomar com o professorado que, reiterada e conscientemente, incumpre de forma sistemática a legalidade vigente em matéria lingüística. Como vemos que já conhece o nosso tríptico nom nos estenderemos em expor-lhe nem reiterar-lhe a existencia e os conteúdos do Decreto 247/95, como tampouco qual é a situacom actual do idioma na que contextualizamos a exigencia do seu cumprimento. Como bom oficialista que voce se declara (quanto menos em matéria ortográfica), apenas aguardamos que tome em consideracom o denunciado e promulgado nom por nós, mas pola Junta da Galiza, o seminário de sociolingüística da RAG ou a própria UNESCO.

A sua carta lembra-nos aquela velha parábola do tonto que, quando o home assinalava a lua, ficava mirando para a mao que indicava, no canto de se fixar no objecto indicado. Exemplo, com certeza, dos complexos a auto-ódios inoculados durante séculos no nosso povo, voce nom só se demonstra incapaz de mirar além da mao que assinala, mas opta mesmo por morde-la com toda a raiva e irracionalidade de quem carece de argumentos.

Nós nom vamos "à captura do nom falante", mas à denúncia do espanholista, que ademais, desta vez (e isto deve de ser o que provoca incompreensom, medo e indignacom em voce e os seus colegas), actua contra a própria normativa ditada polo "governo amigo". E chamamo-lo "delinqüente" porque nom fai outra cousa do que cometer um delito ( segundo o dicionário, "1. Violacom da lei ou dos preceitos da moral; 2. Falta, culpa") quem agrede o idioma do país no que está, violando ademais um Decreto promulgado polo governo autonómico. É bem significativo que voce dirija os seus insultos e as suas querelas criminais contra quem edita um folheto incado de verdades, e nom contra quem, vivendo do dinheiro público e exercendo a enorme responsabilidade da docencia, actuam dia a dia como inimig@s do nosso país e do nosso idioma.

Nom se preocupe: nom pretendemos convence-lo de nada. Declaramo-nos incompetentes (ai sim) para sensibilizar sobre o nosso idioma a quem ve mais necessário que nas nossas escolas se estude frances do que galego, e mesmo promulga a supressom do nosso idioma do sistema educativo. Se nos paramos a fazer-lhe caso, é só por que nos admira a sua falta absoluta de vergonha, e porque o consideramos um exemplo perfeito do que, polas boas ou polas más, há que corrigir dumha vez nos centros de ensino do nosso país.

Obrigad@s só por isso.

Atenciosamente: Assembleia da Mocidade Independentista