Reocupaçom da Sala Iago em Compostela

Esta semana vem-se de reocupar exitosamente a Sala Iago no casco velho de Compostela. Esta quedara no total abandono por parte da administraçom e mailos proprietários desde que em novembro do 2011 foram despejadas as vizinhas da cidade que inicialmente ocuparam o lugar. Com isto, pretendem deixar cair um edifício de grande importância e notável história para a vida social da cidade, pois unicamente estando em ruínas lhes daria pé a especular com o imóvel, de grande valor pola sua afortunada situaçom. Nesta reapertura já se venhem fazendo atividades desde ontem, jornada na que um público que encheu a Sala puido asistir a passes de teatro, cabaret e umha foliada que fechou a noite. Para hoje e amanhá temos: Sexta 14 17:00 - Projecçom da Obra de Teatro Torturadorxs 19:30 - Assembleia Aberta 22:30 - Timba Poética, Break Dance e concertos de Pura Mestura, Furnier, Jodt e Maneante. Sábado 15 12:00 - Obradoiro e jogos para ciranças 14:30 - Jantar 16:30 - Dinámicas de cuidados para o trabalho em grupo 18:00 - Projecçom documental: "La Voz del Gamonal. ¿De quién es la calle?" 19:30 - Assembleia Aberta 22:30 - Concertos de Folkólicos, Transgenéricas, Mars Attacks, Barravi e sessom aberta. Na contra a mesma gente que anda semana sim semana também a voltas com leas com escándalos políticos já fijo umha beata chamada ao civismo, porque todas sabemos que criar espaços abertos e populares é um grande perigo para a boa marcha da vida vizinhal. Mas com todo razom nom lhe falta ao Currás, bastante falta lhe fazia a Santiago umhas leiçons de civismo.