Tuteran, 94 urteko emakume bat larriki zauritu du bere bilobak

Atzo, 32 urteko gizonezko batek kolpeka eraso zion emakume bati, Tuterako (Nafarroa) etxebizitza batean. Arratsaldeko 20:00ak aldera, bizilagun batek poliziari deitu zion, ondoko etxebizitzan oihuak eta kolpeak entzuten zirela salatzeko. Udaltzainak etxebizitzara bertaratu ziren; atea ireki, eta barruan zegoen 62 urteko emakume batek ohartarazi zien bere semea bera eta bere ama hiltzen saiatzen ari zela. Poliziek 94 urteko emakume bat aurkitu zuten korridoreko lurrean zaurituta, odola zeriola eta buruan eta aurpegian kolpeak zituela. Antza denez, gizonak makil bat erabili zuen bere amonari eraso egiteko. Erasotzailea atxilotua izan zen, bere amonari eta bi udaltzaini eraso egitea egotzita.