Urgente: detidos quatro militantes de NÓS-UP no fim da manifestaçom autodeterminista em Vigo

Quatro militantes de NÓS-Unidade Popular que participavam na manifestaçom convocada por Causa Galiza em defesa do direito de autodeterminaçom fôrom detidos no fim da manifestaçom que percorreu as ruas de Vigo neste mesmo meio-dia. Os detidos som Santiago Mendes Rodrigues, Crístofer Machado Ibañez, Carlos Pena Neto e Alexandre Bolívar Esteves.

A falta de maiores informaçons, sabe-se que as detençons fôrom realizadas por membros da Polícia espanhola, especula-se com a possibilidade de que as mesmas podam responder à queima, no fim da manifestaçom, de umha figura que representava o rei espanhol. O advogado dos quatro militantes detidos tenta nestes momentos averiguar os motivos da actuaçom repressiva e garantir o respeito aos seus direitos.

Esperamos poder informar em breve sobre mais pormenores desta actuaçom repressiva da polícia espanhola.