Venezuela: nova vitória eleitoral bolivariana

Os resultados das eleiçons presidenciais, realizadas domingo 7 de outubro, na República Bolivariana da Venezuela, constatam umha clara vitória da candidatura de Hugo Chávez.

Os resultados som claros e indiscutíveis para as forças revolucionárias e anti-imperialistas aglutinadas à volta do Gram Pólo Patriótico: mais de um milhom e meio de votos de diferença e quase 11 pontos por cima da candidatura da oposiçom.

Chávez atingiu 55.14% dos votos frente a 44.24% de Capriles Radonski, numha das eleiçons com maior participaçom da história venezuelana. Votou 80.72% do eleitorado, e Chávez ganhou em 22 dos 24 estados do país. Só em Táchira e Mérida venceu Capriles.

“Batalha perfeita”

Assim definiu o líder bolivariano o seu novo triunfo eleitoral no primeiro discurso após conhecer-se os resultados. Desde a “varanda do povo” do Palácio de Miraflores, perante milhares de seguidoras e seguidores, o comandante Hugo Chávez agradeceu o contundente apoio popular. Ao igual que figera na campanha eleitoral reconheceu a necessidade de corrigir erros para lograr maior eficácia na implementaçom de medidas políticas que demanda o povo.

Com a espada de Bolívar na mao manifestou que continuará aprofundando na revoluçom bolivariana, ao tempo que monstrou um tom conciliador e integrador com aquela parte do país que “nom nos apoiou”.

Os três dados mais destacados deste processo eleitoral som a elevada participaçom, o incremento de votos de Chávez frente as eleiçons de dezembro de 2006, mas também a importante progressom atingida pola oposiçom.

A candidatura de Capriles -apoiada por um conglomerado heterogéneo de forças políticas e económicas, que sob umha apariência de centro-esquerda, mas representando os interesses e o projeto da extrema-direita pro-imperialista., logrou reduzir substancialmente a distáncia em votos.

Em 2006 Chávez superou a Manuel Rosales em mais de 3 milhons de votos, obtendo 7.309.080 (62,84%) frente a 4.292.466 (36,90%) do candidato da direita, com 74.7% de participaçom.

Reptos e desafios

Após 14 anos de governo popular e anti-imperialista, Venezuela deve aprofundar na orientaçom socialista e bolivariana. Nom só é necessário umha maior eficiência à hora de resolver os mais graves problemas que dificultam maiores adesons sociais (violência, cortes energéticos, corrupçom, inflaçom, …).

Cumpre sentar as bases para desmontar a economia de mercado e a ideologia burguesa que impossibilita avançar na construçom de umha verdadeira democracia socialista.

Avaliaçom de Primeira Linha

Comité Central de Primeira Linha parabeniza povo trabalhador venezuelano por esta nova vitória sobre as forças reacionárias e imperialistas.

Evaluamos satisfatoriamente este novo triunfo eleitoral do comandante Hugo Chávez Frías, pois permite continuar construindo um modelo alternativo ao neoliberalismo na Venezuela e dar novos passos na integraçom continental bolivariana, mas também impossibilita o desenvolvimento dos planos expansionistas do imperialismo norteamericano sobre América Latina e as Caraíbas.

Com esta contundente vitória que sentimos como própria, Obama e a grande burguesia fracassárom nos seus propósitos de deslocar a Hugo Chávez de Miraflores e impor um governo submisso a Washington.

A vitória de Chávez é umha boa notícia para o conjunto dos povos do mundo, para as luitas contra toda forma de exploraçom e opressom que se desenvolvem no conjunto do palneta. Esta nova vitória de Chávez alenta a luita de libertaçom nacional e social de género na que estamos involucradas os comunistas galegos.

Candidato

Votos

%

HUGO CHAVEZ

8.062.056

55,14%

HENRIQUE CAPRILES RADONSKI

6.468.450

44,24%

REINA SEQUERA

68.936

0,47%

LUIS REYES

8.063

0,05%

MARIA BOLIVAR

7.308

0,04%

ORLANDO CHIRINO

4.062

0,02%

Ficha Técnica
Eleitorado

18.903.937

Votantes

14.901.740
Participaçom

80,72%

Número de votos escrutados

14.901.740
Número total de votos válidos

98,1 %

14.618.875
Número total de votos nulos

1,89 %

282.865