Comunicáu de "Sofitu" antre la represión a dos mozos independentistes

¡¡¡NON MÁS REPRESIóN A LA IZQUIERDA DIXEBRIEGA!!!

El 21 d’Agostu de 2005, alrodiu les 2 de la nueche, un grupu de cuatro mozos independentistes foron identificaos pola Policía Nacional d’Uviéu, tres facer supuestamente unes pintaes na Facultá de Xeoloxía. Dos de los mozos, menores d’edá y ensin identificación, foron llevaos a la Comisaría Xeneral d’onde foron puestos en llibertá a les 2 hores.

Dempués d’un mes ensin saber ná, los menores foron llamaos a declarar antre la Policía, xunto colos otros dos mozos. Se-yos acusaba "d’ultraxe a España", "apoloxía'l terrorismu" y daños. Los dos menores d’edá foron condergaos a una multa de 103 € y delles hores de serviciu a la comunidá. Los otros dos xóvenes, tres pasar pela declaración antre'l Xulgáu d’Istrucción númberu 3, quedaron a la espera xuiciu acusaos d’un delitu d’ultraxe a España y daños.

Darréu, cuasiqué un añu y mediu dempués de los fechos, los dos mozos enfróntense a una acusación "d’ultraxe a la nación" y "daños al patrimoniu", con una petición fiscal d’una multa d’once meses a razón de 10 € al día, pol delitu d’ultraxe, y una de llocalización permanente demientres 6 díes pola falta de daños, amás de 410 € en conceptu d’indenización a la Facultá polos daños. Nel total enfróntense a una multa d’unos 4000 €.

Les cais de les nueses ciudaes tán infestaes de pintaes facistes y de cálter racista, pero'l gobiernu españolista n'Asturies prefiere reprimir a los mozos que lluchen y planten cara'l sistema capitalista y la opresión española nel nuesu país.

Esto nun ye más qu'otru ataque escontra la mocedá dixebriega del nuesu país, que tien que vese tolos díes les cares col facismu nes nueses cais.

Dende SOFITU, llamamos a tola clas obrera asturiana a collaborar colos mozos represaliaos nes aiciones que s'entamen, asina comu económicamente pa sufragar los gastos derivaos del xuiciu.

Númberu cuenta SOLIDARIDÄ: 2048 0000 23 0340142034

¡¡¡SI TOQUEN A UN/A, TóQUENMOS A TOOS/ES!!!
¡¡¡ONDE HAI LLUCHA HAI REPRESIóN, ONDE HAI REPRESIóN HAI SOLIDARIDÁ!!!

SOFITU (Muerganismu Antirrepresivu Popular)

más info: www.glayiu.org