Emakumeen aurkako bi eraso izan dira Gasteizen

Larunbatean, 08:30ak aldera, herritar batek jakinarazi zuen gizon bat ikusi zuela emakume bati eraso egiten, Santa Barbara plazan. Udaltzingoak bertaratu ziren, eta bikotea aurkitu zuten. Biak banandu ondoren, biekin eta lekukoarekin elkarrizketa izan zuten. Patruilak miaketa egin zion gizonari, eta emakumearen telefono mugikorra eta belarritako bat aurkitu zituen poltsiko batean. Beraz, 21 urteko gizona atxilotu zuen genero-indarkeriako lesio-delitu bat egotzita.

Bestalde, igande goizaldean, 32 urteko gizonezko batek auto batzuen artean pixa egiten ari zen adingabe bat telefono mugikorrarekin grabatu du. Gertakariak 02:00ak aldera izan dira, Gasteizko Alde Zaharreko kale batean. Lekukoen arabera, hainbat gazte gizon bat atxikita zuten, eta adierazi dute gizonak adingabe bat grabatu duela telefono mugikorrarekin. Hauek egin duena aurpegiratu diote gizonari, eta irudiak ezabatzeko eskatu diote, baina gizonak ukatu egin du gertatutakoa, eta miatzeko iradoki die gaztei. Une horretan, pertsona gehiago iritsi dira, eta, ondoren, Ertzaintza. Ertzainek salatutako gertakariak egiaztatu dituzte, eta telefono mugikorra kendu diote egileari, eta atxilotu egin dute.