lahaine.org
Asturies :: 31/05/2005

Ésitu de participación na xornada astur-vasca en Getxo.

Glayiu.org
Según informa ELFIELATU.NET la Folixa Asturiana fecha esi sábadu nel Gaztetxe d'Erromo (Getxo) foi tou un ésitu de públicu y participación, polo que nun se descarta retepetir iniciatives asemeyaes.

Alrodiu de les 14 hores llegaben a Getxo la mayoría d’asturianos participantes na Folixa, y los reponsables d’Itzulbaltzeta Gaztetxea ufiertáben-yos una gran paella de la que dieron bona cuenta unes 70 persones.Enantes, yá se abríen les primeres botelles de sidra, de les 240 consumíes de forma gratuíta a lo llargo del día y dellos asturianos intentaben deprender a tocar un poquiñín la txalaparta.

Poco dempués de les 17 hores proyeutábase'l documental "Aida" de Pablo Quiroba y Míguel Fernandi charraba llueu de la situación llingüística asturiana. Estos dos actos cuntaron con cuasi un centenar d’asistentes.Hasta les 10 de la nueche, hora del conciertu de Skama La Rede y Oi! N'Ast, pudo sentise música n'asturianu y presentóse'l cantar "Fala", iniciativa de "Musicos pola Oficialidá" y la Xunta pola Defensa de la Llingua Asturiana.

Tres esfrutar d’una actuación d’una pareya de gaita y tambor, xubíen al escenariu Skama La Rede primero y Oi! N'Ast dempués. Énte 200 persones los grupos asturianos fexeron movese y muncho a la mocedá vasco. Pasaes les 5 la mañana piesllábense les puertes d’Itzulbaltzeta Gastetxea d’onde siguía colgando de les ventanes del pisu d’arriba una pancarta cola lleenda "Oficialidá Agora. Puxa Asturies Dixebrá".

De ELFIELATU.NET

Glayiu.org

 

Este sitio web utiliza 'cookies'. Si continúas navegando estás dando tu consentimiento para la aceptación de las mencionadas 'cookies' y la aceptación de nuestra política de 'cookies'.
o

La Haine - Proyecto de desobediencia informativa, acción directa y revolución social

::  [ Acerca de La Haine ]    [ Nota legal ]    Creative Commons License ::

Principal