[Uvieú] Concentración: Asturies nun tien rei

El Comité d' Asturies pola Amnistía y otres organizaciones soberanistes y antimonárquiques, apautaes col llema “Asturies nun tien rei”, convocamos una concentración esti martes, 1 de setiembre, a les 19’30 h. Tendrá llugar n’Uviéu, na Cai Xeneral Yagüe, 2, énte la sede de la “Fundación Princesa de Asturias”.

Ye la tercer concentración qu’organizamos dende la pasada visita de los reis d'España a Asturies, y enantes del manifestamientu que vamos facer el prósimu 8 setiembre, en Xixón. Porque Asturies tien de lluchar pa defender el so futuru y el de la so clas trabayaora, faciendo por acabar con esti Estáu corruptu y opresor, dando pasu a fórmules lliberaores nes que’l drechu a decidir ta en manes los/es trabayaores y nes que, ta claro, Asturies nun tien rei.