ePub
pdf
Desmentíu de la CSI al artículu sobre’l so aconceyamientu col CUPX
El sindicato CSI (Corriente Sindical de Izquierda) desmiente que haya apoyado la candidatura de CUPX ni ninguna otra y denuncia haber sido utilizados por esta. Exige rectificaciones.
El Secretariu Xeneral de la Corriente Sindical d’Esquierda (CSI), Samuel Fernández, quier faer públicu lo que vien darréu:
1-Que la CSI nun pide’l votu pa dengún partíu, coalición o candidatura electoral.
2-Que la CSI nun da’l so sofitu a nenguna candidatura electoral.
3-Que la CSI caltuvo xuntes con cuantes candidatures electorales asina-y lo pidieren, coles mires d’esplicar a esti sindicatu’l so programa electoral.
4-Que la CSI caltuvo esti tipu de xuntes con Conceyu Abiertu, UNA-BpA y CUPX.
5-Que la Movilización Xeneral del 14 de Mayu n’Uviéu, ta convocada puramente polos sindicatos CSI, SUATEA, CGT y CNT-Uviéu, ensin que nesa convocatoria participe organización política o candidatura electoral denguna.
6-Que la organización de tolos actos d’esta convocatoria recai puramente nestos sindicatos, nel trabayu fondu, refechu ya inapreciable de los movimientos sociales y de contrainformación asturianos y nel esfuerciu que tán faciendo los/es militantes d’estes organizaciones nel intre de pegar cartelos, faer xuntes de coordinación, repartir propaganda, xestionar tou tipu de permisos y materiales necesarios, etc. La CSI quier faer una mención especial a ún de los sos militantes, Gonzalín, que, camín yá de los 70 años, sigui calteniendo un espíritu de llucha exemplarizante.
7-Que YE MENTIRA que na xunta caltenida pol Secretariu Xeneral de la CSI col CUPX se falare en dengún momentu de denguna clas de coordinación nin de les marches nin de dengún otru actu de la Movilización Xeneral del 14 de mayu. Cenciellamente porque nin el CUPX nin denguna otra organizacón política o electoral ta participando nin na convocatoria nin na organización d’esta movilización.
8-Que la CSI desixe la inmediata rectificación del artículu publicáu en Kaosenlared y acútase el drechu de faer públicu esti comunicáu en cualquier mediu de comunicación que camiente afayadizu.
